Mustang quyosh elektr stansiyalari — Photomate ishtirokidagi loyihalarga umumiy nazar

Photomate kompaniyasi O‘zbekistonda amalga oshirilgan yirik quyosh energiyasi loyihalaridan biri haqida yangi videoni taqdim etdi.
Mazkur videoda “Mustang” kompaniyasining halqa yo‘li bo‘yida joylashgan ikkita zapravka hududida o‘rnatilgan quyosh elektr stansiyalari haqida so‘z boradi. Ushbu stansiyalarning umumiy quvvati 2,1 MW ni tashkil etadi.

Videoda, shuningdek, “Mustang” kompaniyasi vakili quyosh panellarini o‘rnatish natijasida elektr energiyasiga sarflanadigan xarajatlar 30–50% gacha qisqarganini ta’kidlaydi. Ortiqcha ishlab chiqarilgan energiya esa elektromobillarni quvvatlantirish stansiyalariga va davlat tarmoqlariga yo‘naltirilmoqda.

Kelgusida “Photomate” kompaniyasi qayta tiklanuvchi energiya manbalarini yanada kengroq joriy etishni rejalashtirmoqda.